Të gjithë anëtarët e detyrueshme janë të obliguar që të paguajnë premiumet e sigurimit në FSDK e cila përfaqëson burimin kryesor të financimit të Fondit për Sigurimin e Depozitave.

Ka dy lloje të premiumeve të sigurimit: premiumet fillestare të cilat duhet të paguhen nga bankat e licencuara rishtas (0.3% e kapitalit fillestar) pas fillimit të anëtarësisë së tyre në FSDK dhe premiumet e vazhdueshëm që të gjitha institucionet anëtare duhet t`a paguajnë rregullisht në baza tremujore.

Premiumet e vëna mbi institucionet anëtare dallohen në bazë të rrezikut që paraqesin për FSD-në. Këto premiume të bazuara në rrezik ngarkohen për institucionet anëtare si një përqindje e shumës së depozitave të siguruara që ata mbajnë, që i nënshtrohen  limitit aktual të mbulimit. FSDK-ja bazon sistemin për dallimin e premiumeve me vlerësimin e ekzaminimit në terren të BQK-së, ku bankat anëtare  me notë më të madhe paguajnë 0.3% në vit nga shuma totale e depozitave të siguruara ndërsa bankat me notë më të ulët do të duhet të paguajë 1,5% në vit.

Në përputhje me Ligjin për Sigurimin e Depozitave, FSDK-ja ka të drejtë të tërheqë shumën e premiumit që duhet të paguhet nga llogaritë e bankës anëtare në BQK.

FSDK-ja do të tërheqë premiumin e kërkuar nga llogaria e institucionit në BQK sipas orarit të aplikueshëm

Orari i mbledhjes së premiumit të vazhdueshëm.

• Mbledhja vjetore e premiumeve